台北4天鐵路遊2009--手信篇

手信篇
 

短短4日3夜的台灣之旅遊記

拖拖拉拉的寫了兩個多月才完成

時間之長, 真的可以來次台灣環島遊

 

閒下來, 回顧一下所買的手信...

除了天燈掛飾外

還有份量十足的"鳳梨酥和鳳皇酥"

講的不是它們的價值, 而是重量, 真的很重手

再加上豬肉紙, 它們的噸位分別填滿了兩個26"和24"硬喼的有限空間

 

港記"鳳梨酥"

味道不太甜, 吃起來剛剛好

 

台北4天鐵路遊2009--Day4(悠閒自得半日遊)

Day 4

2009年3月30日(星期一)

來到行程的最後一天, 終於記得影吓間房啦, 張床夠大又C服, 尤其鐘意床尾無梳妝鏡, 但美中不足的是個浴室無活動式花灑頭囉~

君悅酒店

 

來了台北3天都未坐過公車, 今早CarmanE提議搭一程(都只係從酒店到捷運市政府站嗰幾分鐘車程)

 

今日要離開啦~ 又唔想搞到咁趕時間喎, 所以無安排特別行程, 只係近近地逛吓西門町和東區地下街, 食吓野買吓手信咁

西門町~ 是台北最著名的購物商圈, 服飾店、食店、手信店林立, 是遊客必到的地方, 在這可遇到不少港人喔~

 

一出捷運站就可見到以紅磚砌成的紅樓劇場, 是一所集文化藝術於一身的展館及表演場地, 地下有售紀念品的紅樓商品部, 但遇著星期一休息, 沒機會參觀

紅樓劇場

 

來西門町最主要嘅目的就是來鴨肉扁食早飯, CarmanE話上次食過好好食, 所以就帶我地來試, 但今次D鵝肉就有點Un, 我同梁生就覺得麻麻地喇~

鴨肉扁~ 只賣鵝的店

 

喺西門町行咗一陣, 就來到東區地下街(由捷運忠孝復興站至忠孝敦化站, 兩站相距很短路程), 為的就是要揾阿So介紹過-好腍嘅牛肉干(洪師父牛肉干), 地下街內有精品店、服飾店同食店, SaSa同CarmanE都買到心頭好

 

洪師父麵食棧~ 牛肉麵店的牛肉干~ 正, 細細包嘅獨立包裝更腍

 

見到八方雲集, 好想試吓佢地D餃子, 會不會比香港間分店好食, 試過後又沒什麼分別喎~

 

大約3:30pm就乘大有巴士離開, 實在太攰嘅關係, 去機場嗰粒鐘途中, 大家都像睡死了一樣

 

成日心郁郁想去第二航廈的Hello Kitty候機室, 但我地乘嘅國泰機是在第一航廈, 所以辦完登機手續兼寄埋行理後, 就決定乘電車過去看看, 去到才醒起, 話明候機室又點進去喎, 既然來到就食埋野先啦~

 

記得上次跟團去點水樓食過, 但印象就麻麻啦~ D餸凍冰冰的, 小籠包就更加難吃; 估不到位於機場第二航廈的點水樓, 水準又唔錯喎~

 

本應乘19:35pm的航機, 但架機遲咗到達, 搞到成8:00pm才起飛; 個飛機餐好好味, 辣辣的好開胃, 但件鳳梨酥就好唔掂啦~

4日3夜嘅台北之旅終於完滿結束, 講真....真係有D唔捨得, 雖然天天落雨, 還要放棄淡水、八里之行, 但玩4日真係唔夠囉~ 搞到到喉唔到肺咁

我會再來"大玩"架

 

 

上一篇：懷舊主題展覽館

 

下一篇：手信篇

 

 

君悅酒店

地址：台灣台北市松壽路2號 (近市政府站)

http://www.grandhyatttaipei.com.tw/

紅樓劇場 (捷運西門站1號出口)

地址：台北市成都路10號

 

鴨肉扁 (捷運西門站6號出口沿中華路直行)

地址：台北市中華路一段98-2號/武昌街二段2號

台北4天鐵路遊2009--Day3(懷舊主題展覽館)

Day 3

2009年3月29日(星期日)

大約4:30pm就來到位於台北火車站對面的台灣故事館, 踏進地庫2樓的故事館恍如穿越時光隧道, 剎那間好像回到數十年前的台灣, 館內的裝修、擺設、店舖、街道、商品、甚至工作人員的服飾都重現了當時生活的風貌

台灣故事館是個多元化的展覽館, 結合觀光、餐飲、遊玩及購物於一身

入場費分全票NT$200及超值套票NT$280(含NT$150消費劵)兩種, 如果不打算在館內進食的話, 就不用買套票喇, 因為要花嗰NT$150消費劵都頗傷腦筋, 係館內左騰右騰成半粒鐘, 最後全部用來買爆炸綿花糖和懷舊小玩意

台灣故事館

台北4天鐵路遊2009--Day3(一樂園二世界)

Day 3

2009年3月29日(星期日)

 

今日我地計劃先到小人國, 下午再到淡水遊玩, 所以又要一早出發啦; 乘台聯客運到小人國, 最快到達的上車點為捷運景安站, 而車站亦設於景安站出口, 真的十分方便; 本應打算10點到達樂園的, 但因乘捷運到景安站誤以為古亭站是轉車站, 在這站騰來騰去找往南勢角的列車而浪費了不少時間, 後來才發覺有兩列車行駛此站, 分別往南勢角和新店站, 跟港鐵往羅湖和落馬洲一樣, 所以上車時要留意喔~

台北4天鐵路遊2009--Day2(士林小吃)

Day 2

2009年3月28日(星期六)

 

大約19:12到了瑞芳車站, 諗住係月台就可以買票回台北, 原來售票處在站的另一邊
, 而最近的買票方法, 就是使用自助售票機, 可惜卻只接受輔幣, 以一個遊客來說又怎會有那麼多輔幣在身, 在沒時間多想下, 我和CamanE兩個唯有以逃命的速度飛奔去售票處, 好彩給我們買到19:29班次的自強號列車; 怪不得自強列車咁搶手啦, 隨了行駛速度快, 另外吸引處就是有較C適的座位, 車費NT$80/HK$20

台北4天鐵路遊2009--Day2(放燈的喜悅)

Day 2

2009年3月28日(星期六)

 

終於來到平溪線的最後一站~十分, 亦是最期待的地方,  因為我地將會在這放天燈; 十分曾是平溪線沿線最繁榮的地方, 可惜隨著煤礦業的式微而平淡下來; 但近年被重新打造成鐵道及天燈之鄉後, 成功引來大批鐵道迷, 才再度熱鬧起來, 尤其是每年元宵期間舉行的平溪天燈節, 更成為台灣最重要的節慶之一, 引來大量遊客來此放天燈, 就連平常的日子, 隨時都可看見數盞天燈在平溪上空飄過

 

從十分車站下車就會來到最熱鬧的十分老街, 而老街兩旁都是售賣天燈, 手信店, 小吃及民宿的店舖

台北4天鐵路遊2009--Day2(天燈の鄉)

Day 2

2009年3月28日(星期六)

 

話咁快就到咗平溪車站, 平溪是天燈的故鄉並沒說錯, 就連個渠蓋都有天燈的圖案, 北台灣最壯觀的節慶活動, 就是"平溪天燈節", 每年都會有一大群群眾來此放天燈許願, 平溪與十分都是放天燈的好地方, 但我地會在十分才放; 以為這裡地方並不大, 因為旅遊書很少介紹,但原來都有好多景點可以遊覽...

 

台北4天鐵路遊2009--Day2(平溪線的終點站)

Day 2

2009年3月28日(星期六)

 

平溪線的終點站

 

有驚無險終於到達瑞芳車站, 定過神後繼續我地嘅開心鐵道遊, 我們將乘13:02班次的平溪小火車

 

由瑞芳到終點站～菁桐, 全程約45分鐘, 雖然下著雨, 但遊人依然不斷...

十分, 平溪, 菁桐為平溪線3個主要旅遊景點, 而菁桐是平溪線火車的最後一站, 這裡沒十分那麼熱鬧, 相比下卻多了一分蒼涼感

 

菁桐車站

為平溪支線的終點站, 車站建於1931年, 是台灣僅存的木造車站之一

 

菁桐鐵路故事館

是台灣故事館的菁桐分館, 位於菁桐車站旁, 內裡每件展品都充滿純樸的鄉土味, 館內亦販售不少菁桐獨有的鐵道紀念品, 其中最特別的有木板明信片及特大車票, 而木造明信片最受遊客歡迎, 因為真的可當書信寄出, 再蓋上店家提供的得意印章, 就成為獨一無二的紀念品, 用來寄給親友或自己都滿有意思的...

 

菁桐老街

 

菁桐鐵路

阿嬤的日本冰

是菁桐獨有的小吃, 跟普通冰條沒兩樣, 只是造型獨特, 每支冰條有兩種味道, 中間圓形部分遠看像支日本旗才有這稱號; 有紅豆同芋頭兩款口味, 我就揀最穩陣嘅紅豆味-NT$25/HK$6,  昨晚吃過便利店超難吃的北海道雪條後, CarmanE決定等我試完好食先買, 唉...點知.....一口咬落去, 只有糊糊的感覺, 沒什麼味道, 那"口感"實在難頂, 我跟梁生只咬了兩口就把它掉了, 原來台灣D雪條係咁難食, CarmanE見我地
咁嘅樣, 梗係唔會買啦~

 

平溪係天燈の鄉, 這裡當然亦有天燈掛飾啦~

 

位於老街口的礦工地標~ 標記著礦工們的辛酸

 

地方小吃

以紅蘿蔔C, 芋頭C, 洋蔥C等疏菜作餡料, 以腐皮包裹經油炸後而成的雞捲, 表面雖然帶點油份，但味道卻不錯喔~NT$35/HK$9; 再來杯煤礦風味的咖啡, 渡過一個悠閒嘅下午

嘆完咖啡剛好3.3, 正好有火車到站, 我們就決定乘此班次到平溪，由菁桐到平溪只須4分鐘; 但錯過了班次的話可要等上1粒鐘, 所以到站後先查看火車時刻表, 預留時間離開, 以免擔誤遊玩時間喔~

 

     

 

上一篇：山城美食

下一篇：天燈の鄉
 

 

 

 

 

 

 

台北4天鐵路遊2009--Day2(山城美食)

Day 2

2009年3月28日(星期六)

 

今天很早就起床了, 因為去九份或十分, 都要先乘台鐵到瑞芳站, 再轉乘的士或平溪線小火車, 而由台北車站去瑞芳站, 車程要成粒鐘咁耐, 所以要提早出發啦~

由於酒店沒提供早餐嘅關係, 所以我地就先乘捷運由市政府站到台北車站, 諗住買完去瑞芳嘅車票後再解決早點問題; 本想購買"自強車"9:30班次的, 因為車程較短, 只需45分鐘, 點知個售票阿姐話無位, 問佢幾點才會有啦, 佢竟然話要三日後才有喎, 仲話兩個星期前就要預購！

吓......唔係化, 我最期待嘅旅程(放天燈)唔通要幻滅？

 

興奮的心情當堂由天堂跌到落谷底; 諗諗吓...唔係喎, 無"自強車"啫, 仲有"區間車"嘛, 車程雖然長一點, 都只是相差15分鐘, 咁我又唔憤氣走去再問, 點知阿姐話"區間車"8:25有位, 哇~~望吓個錶仲有5分鐘就要開車啦, 此時CarmanE佢地又唔知走鬼咗去邊, SaSa又一定要食早餐,

 

咁買唔買飛好呢？

最後問到佢地都話買, 咁拿拿淋比完錢就往月台方向狂奔......由台北去瑞芳的區間車票價NT$52/HK$13

 

激氣...如果售票阿姐可以主動點, 推介選乘其他車種的話, 咁我地就不用趕到氣咳啦~~~

約9:30到達瑞芳車站, 因為稍後會去菁桐, 平溪和十分, 所以先在補票處購買平溪線一日劵比較化算, 此劵可於當日無限次乘搭往來瑞芳至菁桐各站, 票價NT$54/HK$13.50

台北4天鐵路遊2009--Day1(399吃到飽)

Day 1

2009年3月27日(星期五)

 

喺動物園行咗幾粒鐘, 行到個個都榭哂, 當然要去補充番D體力啦~

出發前睇到J2台一個台灣節目"食尚玩家", 剛巧介紹台北美食, 其中推介食肆"弍両燒肉", 價錢好吸引, 只係NT$399任點任食, 咁抵！一場嚟到當然要試吓啦~~

乘搭捷運木柵線從動物園站到大安站只係8個站嘅距離, 就可到達位於大安區的"弍両燒肉"

台北4天鐵路遊2009--Day1(失望的動物園)

Day 1

2009年3月27日(星期五)

 

食飽飽就繼續今日餘下嘅行程, 下一站將會去台北市最大嘅動物園~木柵動物園, 順道探一探兩隻國寶~團團圓圓

 

木柵動物園

捷運木柵線為架空無人駕駛列車

台北4天鐵路遊2009--Day1(美味依舊鼎泰豐)

Day 1

2009年3月27日(星期五)

 

今次會去台灣玩, 係因為放完春假返工, CarmanE就跟我說有好多同事都話想去(其實到最後都只係4人行), 本應我諗住5月才去的, 但J話那時天氣會很熱, 最後我哋就揀咗3月尾出發; 之前2次我都係跟團去的, 但實在不喜歡那些指定景點, 什麼睇珍珠末呀、靈芝呀、茶葉呀、皮獶呀......實在太浪費時間, 所以實行來一次自主遊, 好吧......

 

Let's Go

之前跟CarmanE,SaSa約好7:30am在機場會合, 果朝我同老公就搭6:30am開出嘅A22, 途中仲接埋SaSa添~